काठमाडौँ । कात्तिक ४ गतेदेखि प्रदर्शनमा आउने फिल्म ‘के घर के डेरा’को ट्रेलर सार्वजनिक भएको छ । शुक्रवार राजधानीमा एक कार्यक्रमबीच दयाहाङ राई र विपिन कार्कीको शीर्ष भूमिका रहेको फिल्मको ट्रेलर सार्वजनिक गरिएको हो ।

१८ सेकेन्डको कमेडी स्वादको ट्रेलरमा काठमाडौंमा घर हुने र नहुने दुई परिवारको कथालाई प्रस्तुत गरिएको छ । काठमाडौंमा घर किन्न संघर्ष गरिरहेका र घर भएर पनि लुकाउन बाध्य पात्रहरूको उतार–चढावलाई ट्रेलरमा देख्न सकिन्छ ।

दीपेन्द्र के। खनाल निर्देशित चलचित्र सामाजिक विषयवस्तुमा निर्माण भएको हो । सार्वजनिक ट्रेलरमा दयाहाङ र विपिनका साथमा सुरक्षा पन्त, वर्षा राउत, रविन्द्र झा लगायतका प्रमुख पात्र फिचर्ड छन् ।

फिल्ममा दयाहाङ र सुरक्षा पन्तलाई जोडीको रुपमा प्रस्तुत गरिएको छ भने विपिन कार्कीको जोडीको रूपमा वर्षा राउत छिन् । सिंगे लामाको कथा, महेश दवाडीको पटकथा/संवाद रहेको फिल्ममा आशान्त शर्मा, लक्ष्मी गिरी, प्रभाकर न्यौपाने, सरोज अर्याल, भोलाराज सापकोटा, घनश्याम जोशी, कोशिस क्षेत्री, आयुशी ढकाल लगायतको पनि अभिनय छ ।

लेखकको बारेमा

अरुणा ढकाल

लेखकबाट थप