काठमाडौँ । सामुदायिक भवनमा डोजर चलाएको विरोधमा काठमाडौँको बांगेमुढामा स्थानीय बासिन्दाले नाराजुलुससहित मेयर बालेन शाहको पुत्ला दहन गरेका छन् ।
उनीहरुले काठमाडौँका शाहविरुद्ध नाराबाजीसहित पुत्ला दहन गरेका हुन् । ‘डोजर आतंक बन्द गर, नेवा एकता जिन्दावाद, नेवा विरोधी होसियार’ सहितका नारा उनीहरुले लगाएका थिए ।
महानगरपालिकाले शुक्रबार वडा नम्बर २५ बांगेमुढामा रहेको एक सामुदायिक भवन डोजर लगाएर भत्काएको थियो । स्थानीय बासिन्दाले त्यसको विरोध गरेका हुन् ।
आन्दोलनलाई समर्थन गर्दै मेयरका उम्मेदवार समेत रहेका सुमन सायमी पनि त्यहाँ पुगेका थिए । उनले भाषण गर्दै महानगरले कानून विपरित काम गरेको आरोप समेत लगाए ।
लेखकको बारेमा
प्रतिक्रिया