जापान । महिलाले लगाउने रेनकोट प्रति उच्च आकर्षण भएका जापानका एक व्यक्तिले १३ वर्षको अन्तरालमा ३६० वटा रेनकोट चोरेका छन् । उनलाई ‘रेनकोट म्यान’ भनिएको छ । ओसाकामा बस्ने ५१ वर्षका व्यक्तिलाई प्रहरीले पछिल्लो एक दशकदेखि पक्राउ गर्न खोजिरहेको थियो ।
योसिदो योदा पत्रिका डेलिभरी गर्ने काम गर्दथे । उनलाई रेनकोटको रुपमा प्रयोग गरिने ‘कप्पा’ भन्ने गार्मेन्टप्रति आशक्ति थियो । प्रहरीले उनको घरमा छापामा मार्दा कूल ३६० वटा रेनकोट भेटेका थिए । उनले सन् २००९ मा पहिलो पटक रेनकोट चोरेका थिए ।
उनले लगभग ३२० वटा रेनकोट पछिल्लो ९ वर्षमा चोरेको बताइन्छ । उनी रेनकोट चोर्न यति माहिर थिए कि उनलाई पक्राउ गर्न खोज्नेहरुबीच उनी ‘रेनकोट म्यान’ को नामले परिचित थिए ।
प्रहरीले किन यस्तो गरेको भनेर सोधेको प्रश्नमा रेनकोट लगाएका महिलालाई हेर्दा उनीहरुलाई भित्री वस्त्रमा देखे जत्तिकै उत्साहित हुने गरेको उनले बताए ।
लेखकको बारेमा
प्रतिक्रिया