+
Search

ताजा अपडेट +

पपुलर +

विश्वका १० धनीको घाटा, एलोन मस्कले एकै दिनमा १० अर्ब डलर गुमाए

अरुणा ढकाल
२०७९ आश्विन २३, आईतवार

टेस्लाका प्रमुख कार्यकारी अधिकृत एलोन मस्क एकै दिनमा १० अर्ब डलरभन्दा बढी घाटा बेहोरेको छन् । ब्लूमबर्गको अर्बपति सूचकांकमा टेस्ला र स्पेसएक्स जस्ता कम्पनीका मालिक मस्कको सम्पत्ति एकै दिनमा १०.३ अर्ब डलर घटेको छ। यसपछि उनको नेट वर्थ घटेर २१० बिलियन डलर पुग्यो ।

ब्लुमबर्ग बिलियनेर्स इन्डेक्सका अनुसार विश्वको दोस्रो धनी व्यक्ति अमेजनका जेफ बेजोसलाई एकै दिन ५ अर्ब ९२ करोड डलरको घाटा भएको छ । बेजोसको कुल सम्पत्ति १ सय ३७ बिलियन डलरमा झरेको छ । योसँगै सूचीको तेस्रो नम्बरमा रहेका फ्रान्सेली अर्बपति बर्नार्ड अर्नाल्टको कुल सम्पत्ति ४ अर्ब ८५ करोड डलरले घटेर १३१ अर्ब डलरमा झरेको छ ।

सूचीमा चौथो नम्बरमा रहेका एसियाका धनी गौतम अडानीले २ अर्ब ११ करोड डलर वा १७ हजार करोडभन्दा बढीको सम्पत्ति गुमाएपछि उनको कुल सम्पत्ति १२५ अर्ब डलरमा झरेको छ । पाँचौं धनी माइक्रोसफ्टका बिल गेट्सको सम्पत्ति २.६५ अर्ब डलरले घटेर १०६ अर्ब डलर पुगेको छ भने छैटौं धनी वारेन बफेटको सम्पत्ति २.२९ अर्ब डलरले घटेर ९४.२ अर्ब डलर पुगेको छ ।

अर्बपतिको सूचीमा सातौं स्थानमा रहेका ल्यारी पेजले एकै दिन २ अर्ब १८ करोड डलर घाटा बेहोरेका छन् र उनको कुल सम्पत्ति ९१.३ अर्ब डलर रहेको छ भने विश्वका आठौं धनी व्यक्ति सर्गेई ब्रिन (सर्गे ब्रिन)को कुल सम्पत्ति २.०७ अर्ब डलर छ । नवौं धनी स्टिभ बाल्मरको नेटवर्थमा पनि तीव्र गिरावट आएको छ र यो ४.०३ बिलियन डलरले घटेर ८३.८ बिलियन डलरमा झरेको छ।

शीर्ष १० अर्बपतिको सूचीमा १० औं स्थानमा रहेका मुकेश अम्बानीको नेटवर्थमा पनि कमी आएको छ । एकै दिनमा उनले ९३.७ मिलियन डलर नोक्सान बेहोरेका छन् । सम्पत्तिमा आएको यो गिरावटसँगै अम्बानीको कुल सम्पत्ति ८३.६ बिलियन डलरमा झरेको छ । एजेन्सी

प्रतिक्रिया

लेखकको बारेमा

अरुणा ढकाल