पश्चिम नेपालबाट बाहिरियो मनसुन, अन्य भूभागमा बाहिरिन अझै केही दिन लाग्ने
काठमाडौँ । जल तथा मौसम विज्ञान विभागले आज पश्चिम नेपालबाट यस वर्षको मनसुन बाहिरिएको जनाएको छ। विभागको मौसम पूर्वानुमान महाशाखाका अनुसार सुदूरपश्चिम, कर्णाली, लुम्बिनी, गण्डकी, बागमती र मधेश प्रदेशको पश्चिमी भूभागबाट बाहिरिएको हो।
देशका अन्य भूभागमा मनसुन बाहिरिन अझै केही दिन लाग्ने महाशाखाले जनाएको छ। नेपालमा सरदर २ अक्टुबरमा मनसुन बाहिरिने गरेको छ। यस वर्ष भने औषतभन्दा केही दिन ढिलो गरी मनसुन बाहिरिन शुरू गरेको हो। यस वर्ष गत जेठ २२ गते पूर्वी नेपालबाट मनसुन प्रवेश गरेको थियो।
