काठमाडौँ । राष्ट्रिय प्रजातन्त्र पार्टी (राप्रपा) बाट मोरङ निर्वाचन क्षेत्र नम्बर ३ मा प्रतिनिधिसभा सदस्य उठेकी अभिनेत्री रेखा थापाले घरदैलो कार्यक्रम जारी राखेकी छन् । उनले आफूले बोल्नको निम्ति नभई , जनताको कुरा सुन्न घरदैलो कार्यक्रम गरेको बताएकी छन् ।
हिजो मोरङको सुन्दरहरैचा बेलेपुरमा घरदैलो कार्यक्रम गरेकी थिइन् । ‘म सपना सुनाउन आएको होइन, तपाईंहरुको समस्या सुन्न आएको हो, मैले यहाँको समस्या सबै बुझेको छु,’ रेखाले भनिन् ।
रेखाले हिजोका नेताहरुले केही गरेनन् भनेर गुनासो नगर्न मतदातालाई आग्रह गरेकी छन् । ‘अब पहिले जस्तो गल्ती गर्नुहुन्न, हिजो जसलाई जिताउनुभयो, उसले काम गरेको छैन भने फेरि पनि उसैलाई जिताएर किन गुनासोको जिन्दगी बाँच्ने आगामी ५ वर्षसम्म ? रेखाको प्रश्न छ ।
लेखकको बारेमा
प्रतिक्रिया