Tools Menu
+
Search

ताजा अपडेट +

पपुलर +

रोकिएन शेयर बजारको गिरावट

Nanu Bhatta
२०७९ कार्तिक ३, बिहीबार

काठमाडौं । निरन्तर रुपमा ओरालो लागिरहेको शेयरबजारमा आज पनि घटेर बन्द भएको । नेपाल स्टक एक्सचेञ्ज ९नेप्से० कारोबारको अन्तिम दिन बिहिबार सामान्य अंकले घटेको हो । आज नेप्से १।३८ अंकले घटेर एक हजार ८ सय ४४ दशमलब १४ विन्दुमा बन्द भएको हो । बुधबार नेप्से १२।८१ अंकले घटेर एक हजार ८ सय ४५ दशमलब ५१ विन्दुमा बन्द भएको थियो ।

त्यस्तै, आज नेप्से घटेसँगै कारोबार रकममा पनि गिरावट आएको छ । आज नेप्सेमा ५० करोड ७६ लाख रुपैयाँ बराबरको कारोबार भएको छ । बुधबार नेप्सेमा ६४ करोड ३६ लाख रुपैयाँ बराबरको कारोबार भएको थियो ।

आज कारोबार भएका कम्पनीमध्ये ७८ वटा कम्पनीको शेयरमूल्य बढेको छ भने ९५ वटा कम्पनीको शेयरमूल्य घटेको छ । भने १० कम्पनीको शेयरमूल्य स्थिर रहेको छ । यसमध्ये पनि एक कम्पनीको शेयरमूल्यमा उच्च वृद्धि भएको छ । आज सयपत्री हाइड्रोपावर लिमिटेडको शेयरमूल्य ९.९७ प्रतिशतले बढेर प्रतिकित्ता २५९.१० रुपैयाँ पुगेको छ ।

नेप्सेका अनुसार सेन्चुरी डिबेन्चर र सामुदायिक लघुवित्त वित्तीय संस्थाको शेयरमूल्यमा सबैभन्दा बढी गिरावट भएको छ । यसको शेयरमूल्य ७ प्रतिशत भन्दा बढीले घटेको हो । त्यस्तै, कारोबारको आधारमा आज सबैभन्दा बढी अभियान लघुवित्त वित्तीय संस्थाको भएको छ । यसको आज तीन करोड ६९ लाख भन्दा बढीको कारोबार भएको छ ।

प्रतिक्रिया

लेखकको बारेमा