मतपत्रको पृष्ठभूमिको रंग कस्तो हुने ?
काठमाडौेँ । आगामी प्रतिनिधि सभा र प्रदेश सभाको निर्वाचनका लागि मतपत्रको पृष्ठभूमिको रंग सेतो हुने निर्वाचन आयोगले जनाएको छ। आयोगले प्रत्यक्ष र समानुपातिकतर्फका दुवै मतपत्रको पृष्ठभूमिको रंग सेता बनाएको छ। त्यसमा रहने चिह्न र अन्य विवरण भने प्रत्यक्ष र समानुपातिकतर्फ फरकफरक हुने भएका छन्।
समानुपातिकतर्फको मतपत्रमा सेतो पृष्ठभूमिमा अन्य विवरण कालो रंगको प्रयोग गरिएको छ। त्यस्तै, प्रत्यक्षतर्फको मतपत्रमा सेतो पृष्ठभूमिमा अन्य विवरण रातो रंगको राखिएको आयोगले जनाएको छ।
