काठमाडौँ । नेपाली बजारमा सुनको भाउ तोलामा १५ सय रुपैयाँले बढेको छ । नेपाल सुन चाँदी व्यवसायी महासंघका अनुसार शनिबार छापावाल सुनको भाउ तोलामा ९४ हजार रुपैयाँ कायम भएको छ । शुक्रबार छापावाल सुनको मूल्य ९२ हजार ५सय रुपैयाँमा कारोबार भएको थियो । आज तेजाबी सुन प्रतितोला ९३ हजार ५ सय रुपैयाँ रुपैयाँमा कारोबार भइरहेको छ । शुक्रबार तेजावी सुन प्रतितोला ९२ हजारमा कारोबार भएको थियो ।
शुक्रबार चाँदीको भाउ पनि बढेको छ । चाँदीतोलामा एक हजार २ सय १५ रुपैयाँमा कारोबार भइरहेको महासंघले जनाएको छ । तिहार सुनचाँदी किनबेच हुने मुख्य सिजन हो । बेच्ने भन्दा पनि मानिसहरूले तिहारका बेला सुन, असर्फी किनेर राख्ने गरेका छन् । तिहारको मौका छोपेर महासंघले एकैदिन १५ सय रुपैयाँ बढाएको छ । अन्य समयमा हप्तामा ६ दिन मात्रै सुनचाँदीको कारोवार हुने गरेको थियो ।
लेखकको बारेमा
प्रतिक्रिया