काठमाडौं । सातै प्रदेशमा संयुक्त भेला पार्दै चुनावी सभा गर्दै आएको सत्तारुढ गठबन्धनले आज आइतबार कर्णाली प्रदेश र सुदूरपश्चिममा भेला प्रशिक्षण कार्यक्रम गर्दैछ।
कर्णालीको सुर्खेत र सुदूरपश्चिमको धनगढीमा गठबन्धनले प्रशिक्षण भेला कार्यक्रम गर्ने भएको हो। उक्त भेलामा प्रधानमन्त्री सहित गठबन्धनमा आबद्ध दलका शीर्ष नेताहरु सहभागी हुनेछन्।
जसमा प्रधानमन्त्री शेरबहादुर देउवा, नेकपा माओवादी केन्द्रका अध्यक्ष पुष्पकमल दाहाल प्रचण्ड र नेकपा एकीकृत समाजवादी पार्टीका अध्यक्ष माधवकुमार नेपाल लगायतका नेताले सम्बोधन गर्नेछन्।
सत्ता गठबन्धनले गत शुक्रवारबाट प्रदेशस्तरीय भेला गर्दै आएको छ। गठबन्धनले आसन्न निर्वाचनलाई लक्षित गरी भेला गरिरहेको हो।
लेखकको बारेमा
प्रतिक्रिया