Tools Menu
+
Search

ताजा अपडेट +

पपुलर +

म्यान्मार हवाई आक्रमण : ८० जनाको मृत्यु, १ सय जना घाइते

Nanu Bhatta
२०७९ कार्तिक ८, मंगलवार

काठमाडौँ । म्यान्मारको सेनाले गरेको हवाई आक्रमणमा ८० जनाको मृत्यु भएको छ । मुलुकको उत्तरी भूभागमा सेनाले गरेको हवाई आक्रमणमा अरु १ सय जना घाइते भएको एपीले जनाएको छ ।

उत्तरी म्यान्मारको कचिन राज्यमा सेनाको हवाईजहाजले बम खसालेको स्थानीयहरुले जनाएका छन् । कचिन राज्यमा सक्रिय कचिन इण्डिपेन्डेन्ट आर्मी नामक लडाकु समूहले जनाएअनुसार उक्त समूहले कान्सी गाउँमा आयोजना गरेको साँस्कृतिक कार्यक्रमलाई लक्षित गरी बम हमला भएको हो ।

सो कार्यक्रमलाई लक्षित गरी सेनाले ३ वटा बम खसालेको जनाइएको छ । राज्यमा स्वायत्तताका लागि जारी अभियानको ६२ औँ वार्षिकोत्सवको अवसरमा उक्त साँस्कृतिक कार्यक्रमको आयोजना गरिएको हो । सेनाको आक्रमणमा मारिनेमा केही कचिन गायकहरु समेत रहेको जनाइएको छ ।

बीबीसीका अनुसार घाइतेलाई उपचारका लागि नजिकैको ह्पकान्त सहरको अस्पतालमा लैजान खोज्ने मानिसहरुलाई सेनाले बाटैमा रोकेको समेत स्थानीयहरुले आरोप लगाएका छन् ।

प्रतिक्रिया

लेखकको बारेमा