+
Search

ताजा अपडेट +

पपुलर +

संसदमा दर्ता भयो विद्यालय शिक्षा विधेयक

सजिलोपाना
२०८० भाद्र २७, बुधबार

काठमाडौँ । विद्यालय शिक्षासम्बन्धी विधेयक संसदमा दर्ता भएको छ । लामो समयदेखि रोकिएर बसेको विद्यालय शिक्षासम्बन्धी कानून संशोधन र एकीकरण गर्न बनेको विधेयक आज शिक्षा, विज्ञान तथा प्रविधि मन्त्री अशोक कुमार राईले संसदमा दर्ता गरेका हुन् ।

विधेयकमा विद्यालय तहको शिक्षाका विषय समेटिएका छन्। संसद्मा पेस गर्नका लागि केही समयअघि मात्रै मन्त्रिपरिषद्‌ले विधेयक स्वीकृत गरेको थियो।

उक्त विधेयकमा विद्यार्थीका अभिभावक बाहेक अरुलाई विद्यालय व्यवस्थापन समितिको नेतृत्वमा राख्न नसकिने व्यवस्थालाई यथावत राख्नुपर्ने प्रस्ताव गरेको छ ।

विधेयकमा राष्ट्रिय परीक्षा बोर्ड, शिक्षक सेवा आयोगको व्यवस्था गराएको छ। विद्यालयको प्रधानाध्यापकको छनोट सम्बन्धी व्यवस्था पनि प्रस्ताव गरिएको छ।

विधेयकमा निजी विद्यालयलाई गुठीमा रुपान्तरण हुने बाटो खुला गरिएको छ । यसअघि सबै निजी विद्यालय गुठीमा जानुपर्ने गरी कानुन बनाउने गरी मस्यौदा तयार भए लगत्तै निजी स्कुल संचालकहरुले विरोध गरेका थिए ।

विधेयकमा माध्यमिक शिक्षा परीक्षा (एसईई) नरहने प्रस्ताव गरिएको छ। प्रस्तावित विधेयक जस्ताको तस्तै पारित भए कक्षा १२ को मात्रै राष्ट्रिय परीक्षा बोर्डले सञ्चालन गर्ने छ।

प्रतिक्रिया

लेखकको बारेमा

सजिलोपाना

सबै खबर एउटै पानामा