काठमाडौं । फोनपेले भ्वाइस नोटिफिकेशन सेवा सुरू गरेको छ । फोनपे नेटवर्कका सबै व्यवसायहरूले फोनपे बिजनेस एपमार्फत भ्वाइस नोटिफिकेसन सेवा प्राप्त गर्न सक्नेछन् ।

यस नयाँ सुविधाले फोनपे नेटवर्कमा आबद्ध व्यवसायहरूको  क्युआर भुक्तानी प्राप्त गर्ने प्रक्रियामार्फत नयाँ अनुभव दिन खोजेको छ । अब व्यवसायीले क्युआर स्क्यानबाट पठाएको पैसा आए, नआएको जानकारी थाहा पाउन एसएमएस कुर्नु पर्ने छैन् । रियल टाइम भ्वाइसबाटै जानकारी प्राप्त हुनेछ ।

फोनपे बिजनेस एप, एक मोबाइल एप हो, जुन विशेष गरी व्यवसायहरूको सम्पूर्ण डिजिटल भुक्तानी लेनदेनहरूलाई एउटै प्लेटफर्ममा व्यवस्थित र ह्यान्डल गर्न डिजाइन गरिएको हो ।

उक्त सुविधाबाट एसएमएसमार्फत भुक्तानी पुष्टिकरणमा भर पर्नु पर्ने आवश्यकतालाई हटाएको छ । यो सेवालाई उपभोग गर्न फोनपे नेटवर्कका व्यवसायहरूले या त फोनपे बिजनेस एप डाउनलोड गरी, वा केवल फोनपे बिजनेस एप को नयाँ भर्जनमा अपडेट गरी, नोटिफिकेसन सेटिंगबाट ‘भ्वाइस नोटिफिकेशन’ सुचारु गर्न सक्नेछन् ।

आज बढ्दो गतिको व्यवसायिक वातावरणमा, व्यवसायहरूहरुले विशेष गरी भीडभाड र सम्भावित टेलिकम नेटवर्क अवरोधहरूको समयमा डिजिटल भुक्तानी लेनदेन सम्बन्धित केहि चुनौतीहरूको सामना गरेका छन् ।

‘भ्वाइस नोटिफिकेशन’ सुविधाको सुरुवात सँगै, फोनपे बिजनेस एपका प्रयोगकर्ताहरूले भुक्तानी सूचनाहरूका लागि आफ्नो मोबाइल फोनको निरन्तर म्यानुअल अनुगमन गर्नु पर्ने आवश्यकता हटेको छ ।

अब व्यवसायहरु आफ्नो व्यापार सञ्चालनमा पूर्ण तरिकाले केन्द्रित रहन सक्छन्। भ्वाइस सूचना सुविधाले स्पष्ट र श्रव्य आवाज अलर्टको रूपमा वास्तविक समय (रियल टाइम) भुक्तानी सूचनाहरू डेलिभर गर्दै व्यापारीहरूबाट महत्त्वपूर्ण लेनदेन सम्बन्धि जानकारीहरु कहिल्यै नछुटोस् भनी सुनिश्चित गरेको छ ।

फोनपेका सीईओ दिवस कुमारले भने, ‘हामी आजको व्यवसायिक वातावरणमा व्यापारहरुले सामना गर्ने चुनौतीहरूबारे अवगत छौं । यी मोबाइल फोन केन्द्रित आविष्कारहरूसँग हाम्रा नेटवर्क साझेदार संस्थाहरूले थप सुबिधाका साथ आफ्ना व्यापारीहरूलाई अझ सशक्त बनाउदै क्यु।आर कोड आधारित भुक्तानी स्वीकृति अनुभवलाई पुनस् परिभाषित गर्न सक्नु हुनेछ भन्नेमा हामी विश्वस्त छौं।