+
Search

ताजा अपडेट +

पपुलर +

काठमाडौंमा सबै भन्दा बढी डेंगु सङ्क्रमित

सजिलोपाना संबाददाता
२०८१ असार २०, बिहीबार

काठमाडौं। काठमाडौं जिल्लामा सबैभन्दा बढी डेंगु सङ्क्रमित देखिएका छन् ।

इपिडिमियोलोजी तथा रोग नियन्त्रण महाशाखा (ईडीसीडी) का अनुसार काठमाडौं जिल्लामा १५९ जनामा डेंगु सङ्क्रमित देखिएको हो ।

देशभर ७७ जिल्लामध्ये ७३ जिल्लामा १४ सय ३२ जनामा देखिएको डेंगुमध्ये १५९ जना काठमाडौं जिल्लामा मात्रै पुष्टि भएको ईडीसीडीको तथ्यांक छ । यसो हुनुमा जनघनत्व बढी हुँदा ‘एडिस एजिप्टाइ’ जातको लामखुट्टेले सङ्क्रमित व्यक्तिलाई टोकेर अर्को व्यक्तिलाई सार्नु नै रहेको चिकित्सकहरू बताउँछन् ।

देशभर मनसुन सक्रिय भएसँगै डेंगु सङ्क्रमण बढ्न थालेको छ । ईडीसीडीका अनुसार गत साता (जुन २३) मा १२ सय ६८ जनामा देखिएको डेंगु (जुलाई ३) मा १४ सय ३२ जनामा पुष्टि भएको छ ।

प्रतिक्रिया

लेखकको बारेमा

सजिलोपाना संबाददाता