काठमाडौं । सन् २०२४ मा विश्वबजारमा ब्याट्री विद्युतीय गाडी (बीईभी)को बिक्री एक करोड पुग्ने अनुमान गरिएको छ । टेक्नोलोजी मार्केट रिसर्च फर्मका काउन्टरपोइन्ट्सले यस्तो प्रक्षेपण गरेको हो ।
यात्रुवाहक ईभीको बजार बढ्दै जाँदा इन्टरनल कम्ब्स्टन इन्जिन (आईसीई) वा पेट्रोलियम गाडीको बजार भने ४ वर्षभित्र ५० प्रतिशतले घट्ने काउन्टरपोइन्ट्सको अनुमान छ ।
ईभीको बजार बढ्दै जाँदा परम्परागत इन्जिन भएका गाडी निर्मातालाई चुनौती बढ्दै गएको छ ।
उत्पादन प्रक्रियामा आएको सुधार, ब्याट्री निर्माताबीचको रणनीतिक सहकार्य, किफायती मूल्य र बलियो आपूर्ति शृंखलाले ईभीको बजार विस्तारमा सहजता थपेको छ ।
ईभीको विश्व लिडरका रूपमा चीनको बिक्री यस वर्ष उत्तर अमेरिकाको भन्दा चार गुणाबढी हुने अनुमान गरिएको छ । सन् २०२७ सम्म ईभीको विश्वबजारमा चीनको हिस्सा ५० प्रतिशत रहने प्रक्षेपण काउन्टरपोइन्ट्सको छ ।
युरोप र अमेरिका सन् २०२५ पछि ईभीको बजार विस्तारमा गति लिने भनिएको छ । तर, सन् २०३० सम्म चीनले यी दुवैको भन्दा बढी ईभी बिक्री गर्ने अनुमान गरिएको छ ।
युरोपियन युनियनले चिनियाँ ईभीमा कर बढाउनुले त्यहाँका प्लेयरहरूलाई बजार विस्तार गर्न सहज हुने अपेक्षा गरिएको छ ।
लेखकको बारेमा
प्रतिक्रिया