पोखरा । पोखरामा बिहान भएको बस दुर्घटनामा परेर दुई जनाको मृत्यु भएको छ। एलपी देवकोटा मेमोरियल इङ्लिस स्कुलको बस दुर्घटना हुँदा सोही विद्यालयकी कर्मचारी ३३ वर्षीया आरती विक र उनकै छोरा अन्दाजी पाँच वर्षीय प्रिन्सको पनि मृत्यु भएको हो।
दुर्घटनामा घाइते उनीहरूलाई उपचारका लागि गण्डकी मेडिकल कलेज पुर्याइएकोमा त्यही उपचारका क्रममा मृत्यु भएको हो। २८ जना घाइतेहरूको पोखराका विभिन्न तीन अस्पतालमा उपचार भइरहेको प्रहरीले जनाएको छ।
एलपी देवकोटा मेमोरियल इङ्लिस स्कुलको बस ग१क ६२१९ नम्बरको विद्यार्थी बोकेको बस सडकबाट झन्डै ५० मिटर तल खसेको थियो।
बस दुर्घटना लगत्तै घाइतेहरुलाई उद्धार गरी गण्डकी मेडिकल कलेज, गण्डकी अस्पताल र मणिपाल शिक्षण अस्पतालमा लगिएको हो।
दुर्घटनाको कारण खुल्न बाँकी रहेको र दुर्घटनाबारे थप अनुसन्धान भइरहेको प्रहरीले जनाएको छ।
लेखकको बारेमा
प्रतिक्रिया