एजेन्सी । इजरायलमाथि इरानले मंगलबार क्षेप्यास्त्र आक्रमण गरेपछि अहिले इरान-इजरायल तनावले चर्चा पाएको छ। यी दुई देशको तनावलाई लिएर विश्व समुदाय नै विभाजित बन्दै गइरहेका छन् ।
अहिले धेरैलाई चासो छ कि इरान र इजरायलमध्ये को शक्तिशाली छन् ? दुई देशको आर्थिक सामाजिक अवस्था कस्तो छ ? हामीले यो लेखमा ती जिज्ञासाहरूलाई मेटाउन प्रयास गरिरहेका छौँ ।
बीबीसीले उल्लेख गरेअनुसार यी देशले आफ्नो शैन्य क्षमताबारे स्पष्ट जानकारी साझा गरेका गरेका छैनन् ।
कतिपय त्यस्ता महत्वपूर्ण सूचना र तयारीहरू गोप्य छन् । तर विभिन्न अध्ययन र ती देशका सरकारी तथ्यांकहरूका आधारमा यहाँ विश्लेषण गरिएको छ । इन्टरनेशनल इन्स्टिच्युट फर स्ट्राटेजिक स्टडिजले यी देशसहित विश्वका शक्तिशाली राष्ट्रहरूको शैन्य क्षमताबारे हतियार, मिसाइल र आक्रमण बलको विश्लेषण गरेका छन् ।
