काठमाडौं । प्रधानमन्त्री केपी शर्मा ओलीले १७औँ नाडा अटो शोको उद्घाटन गरेका छन् ।
अटो शोमा १९ चारपाँग्रे, १३ लाइट कमर्शियल र ४ दुइपाँग्रे सवारी ब्राण्डले सहभागिता जनाएका छन् । त्यस्तै, ३५ बढी लुब्रिकेन्ट, टायर, स्पेयर पार्टस, ब्याट्री, बैंक तथा वित्तीय संस्थाको स्टल रहेका छन् ।
नाडा अटो शो करिब डेढ दर्जन (चारपाँगे/दुईपाँग्रे) नयाँ सवारी मोडल सार्वजनिक भएका छन् । अटो शोलाई भव्य बनाउन पहिलो पटक रोबोट, फ्लाइङ कार, १ दर्जन भिन्टेज कार प्रदर्शन गरिएको थियो ।
मंगलबार काठमाडौंमा आयोजित कार्यक्रममा प्रधानमन्त्री ओलीले वैज्ञानिक खोज, अध्ययनसँगै नयाँ, आविष्कार र प्रगति भएको बताउँदै नेपालले पनि त्यस प्रकारको विकासको सहज उपभोग गर्ने स्थिति बनाउनुपर्नेमा जोड दिए ।
