काठमाडौं । अमेरिकी राष्ट्रपति डोनाल्ड ट्रम्पले इरानको राजधानी तेहरानमा 'भीषण हमला'भएको दाबी गरेका छन् । आफ्नो सामाजिक सञ्जाल प्लेटफर्म 'ट्रुथ सोसल' मा एक भिडियो सार्वजनिक गर्दै तेहरानमा भीषण हमला भएको दाबी गरेका हुन् ।
ट्रम्पले उक्त भिडियोका साथै इरानी सैन्य नेतृत्वमाथि पनि कडा टिप्पणी गरेका छन् । उनका अनुसार यो हमलामा इरानी सेनाका कयौँ शीर्ष अधिकारीहरू मारिएका छन्। ट्रम्पले लेखेका छन्, 'इरानी सेनाका धेरै शीर्ष अधिकारीहरू, जसले गलत र अदूरदर्शी तरिकाले सेनाको नेतृत्व गरेका थिए, यस हमलामा मारिएका छन्।'उनले अगाडि भने, 'यसबाहेक अन्य धेरै कुराहरू पनि नष्ट भएका छन्।'
ट्रम्पले सार्वजनिक गरेको उक्त भिडियोमा रातको समयमा ठूला विष्फोटहरू भइरहेको देखिन्छ। यद्यपि, यो भिडियो कहिलेको हो र कहाँ खिचिएको हो भन्नेबारे अझै स्पष्ट हुन सकेको छैन।
यस विषयमा हालसम्म अमेरिकी प्रशासन (ह्वाइट हाउस वा रक्षा मन्त्रालय) बाट कुनै आधिकारिक जानकारी प्राप्त भएको छैन। अर्कोतर्फ, ट्रम्पको यस दाबी र भिडियोका सम्बन्धमा इरानको तर्फबाट पनि हालसम्म कुनै औपचारिक प्रतिक्रिया आएको छैन।
