काठमाडौं । महालक्ष्मी विकास बैंक लिमिटेडले गत आर्थिक वर्षको चौथो त्रैमासिक वित्तीय विवरण सार्वजनिक गरेको छ ।
गत आर्थिक वर्षको असार मसान्तसम्म बैंकले ६२ करोड ९९ लाख रुपैयाँ खुद नाफा आर्जन गरेको छ । यो अघिल्लो वर्षको तुलनामा ४८.४६ प्रतिशतले बढी हो । अघिल्लो आर्थिक वर्षको सोही अवधिमा बैंकले ४२ करोड ४३ लाख रुपैयाँ खुद नाफा आर्जन गरेको थियो ।
समिक्षा अवधिमा बैंकको खुद ब्याज आम्दानी १०.६९ प्रतिशतले बढेर २ अर्ब १४ करोड ८७ लाख रुपैयाँ पुगेको छ । अघिल्लो आवको सोही अवधिमा बैंकको खुद ब्याज आम्दानी पनि १ अर्ब ९४ करोड १२ लाख रुपैयाँ रहेको थियो ।
बैंकको खुद फी तथा कमिशन आम्दानी २० करोड ६५ लाख रुपैयाँबाट २३ करोड ४ लाख रुपैयाँ पुगेको छ ।
बैंकको कुल सञ्चालन आम्दानी ९.५४ प्रतिशतले बढेर २ अर्ब ४८ करोड ८६ लाख रुपैयाँ पुगेको छ । अघिल्लो आवको सोही अवधिमा बैंकको कुल सञ्चालन आम्दानी २ अर्ब २७ करोड १८ लाख रुपैयाँ रहेको थियो ।
आम्दानीमा वृद्धि भएसँगै बैंकको सञ्चालन मुनाफा ५३.४१ प्रतिशतले बढेर ९३ करोड ७९ लाख रुपैयाँ पुगेको छ । अघिल्लो आवको सोही अवधिमा बैंकको यस्तो मुनाफा ६१ करोड १४ लाख रुपैयाँ रहेको थियो ।
बैंकको वितरणयोग्य मुनाफा ४.४० प्रतिशतले बढेर ४६ करोड ५२ लाख रुपैयाँ पुगेको छ । अघिल्लो आवको सोही अवधिमा बैंकको वितरणयोग्य मुनाफा ४४ करोड ५६ लाख रुपैयाँ रहेको थियो । यस आधारमा बैंकको लाभांश वितरण क्षमता १०.३१ प्रतिशत रहेको छ ।
४ अर्ब ५१ करोड रुपैयाँ चुक्ता पुँजी रहेको बैंकको रिजर्भ कोषमा २ अर्ब ४८ करोड रुपैयाँ सञ्चिति रहेको छ ।
बैंकले ५५ अर्ब १ करोड रुपैयाँ निक्षेप संकलन गरि ४३ अर्ब ३४ करोड रुपैयाँ कर्जा प्रवाह गरेको छ ।
बैंकको आधार दर ६.९४ प्रतिशतबाट घटेर ५.६६ प्रतिशत कायम भएको छ । बैंकको प्रतिसेयर आम्दानी (ईपीएस) १३.९६ रुपैयाँ, खराब कर्जा (एनपीएल) ६.३२ प्रतिशत, प्रतिशेयर नेटवर्थ १६५.४२ रुपैयाँ कायम भएको छ ।
