काठमाडौँ । चलचित्र ‘मैना’ निर्माणको घोषणा गरिएको छ । राजेन्द्र ढकाल (राहुल)को निर्माण रहने चलचित्र चन्द्र कुमार भट्टराईले निर्देशन गर्दै छन् ।
निर्माण युनिटले फिल्मको थिम पोस्टर सार्वजनिक गर्दै चलचित्र घोषणा गरेको हो । थिम पोस्टरले क्राइम थ्रिलर चलचित्रको संकेत गर्छ ।
भट्टराईले यसै फिल्मबाट निर्देशनमा डेब्यु गर्न लागेका हुन् । उनीसँग समर लभ, मारूनी, राजा रानी, सेतो बाघ लगायत एक दर्जन चलचित्रमा मुख्य सहायक निर्देशनको रूपमा काम गरेको अनुभव छ । सुस्मिता फिल्मस्को प्रस्तुति रहने चलचित्रको कथा गोविन्द मल्लले लेखेका छन् ।
