काठमाडौं। प्रभु महालक्ष्मी लाइफ इन्स्योरेन्सको साढे ७ लाखभन्दा बढी कित्ता सेयर बिक्रीमा राखिएको छ।
कम्पनीको संस्थापक समूहको ७ लाख ३८ हजार ५०० कित्ता सेयर बिक्रीमा राखिएको हो। यो सेयरमा हाललाई कम्पनीका संस्थापक सेयरधनीहरूले मात्रै खरिदका लागि निवेदन पेस गर्न सक्नेछन्।
कम्पनीका अनुसार सेयर खरिदका लागि ३५ दिनभित्र निवेदन पेस गर्नुपर्नेछ। इच्छुक संस्थापक सेयरधनीले उक्त अवधिभित्र कम्पनीको काठमाडौं कमलादीस्थित केन्द्रीय कार्यालयमा निवेदन पेस गर्नुपर्नेछ।
