काठमाडौं । इन्डियन प्रिमियर लिग (आइपिएल) मा आज साविक विजेता रोयल च्यालेन्जर्स बैंगलोर र लखनउ सुपर जायन्ट्सबिच प्रतिस्पर्धा हुँदैछ।
बुधबार खेल बैंगलोरको एम चिन्नास्वामी स्टेडियममा नेपाली समय अनुसार बेलुका पौने ८ बजेबाट सुरु हुनेछ। जारी आइपिएलमा आरसिबी अंक तालिकाको तेस्रो स्थानमा छ भने लखनउ सातौँ स्थानमा छ।
जारी सिजनमा दुवै टोलीले समान ४-४ खेल खेलिसकेका छन्। आरसिबीले खेलेको ४ खेलमा ३ मा जित हासिल गर्दा एकमा पराजय भोगेको छ। त्यस्तै, लखनउले ४ खेलमा २ मा जित र २ मा हार व्यहोरेको छ।
लखनउ आज साविक विजेता आरसिबीलाई हराउने दाउमा हुनेछ। आरसिबी भने लखनउमाथि फराकिलो जित हासिल गर्न चाहन्छ।
आइपिएलको इतिहासमा यी दुई टोलीबिच ६ पटक खेल भएको छ जहाँ आरसिबीले ४ खेल जितेको छ भने लखनउले दुई खेल जितेको छ।
