काठमाडौं । अमेरिकाको मायामी अन्तर्राष्ट्रिय विमानस्थलमा एमजन एअरको कार्गाे विमान धावनमार्गमा दुर्घटना हुँदा पाँच जनाको मृत्यु भएको छ भने अन्य पाँचजना घाइते भएका छन् ।
स्थानीय समयअनुसार आइतबार दिउँसो करीब २ बजे अवतरण गर्ने क्रममा धावनमार्ग कटेर अगाडि पुगेको थियो । उक्त विमानले धावन बाहिर रहेका कैयौं सवारीसाधनलाई ठक्कर दिएपछि विमानमा आगो लागेको थियो ।
पाँच घाइतेमध्ये ३ जनालाई गम्भीर चोटपकट लागेको छ भने घाइते हुनेमा धावनमार्ग बाहिर सवारीमा रहेका मानिसहरू पनि रहेका छन् । दुर्घटनालगत्तै झण्डै २०० जना अग्निनियन्त्रक तत्काल घटनास्थलमा पुगेर आगोलाई नियन्त्रणमा लिएका थिए ।
